Vadakkiniyakathu Kurathi Theyyam - വടക്കിനിയകത്ത്‌ കുറത്തി തെയ്യം

Vadakkiniyakathu Kurathi Theyyam - വടക്കിനിയകത്ത്‌ കുറത്തി തെയ്യം Kurathi Theyyam - കുറത്തി തെയ്യം

കുന്നിൻ മകളായി അവതരിച്ചു ചൂലും കത്തിയും കുറ്റി മുറവും ധരിച്ചു തുളുനാട്ടമ്പലം തുളു തീയ്യൻ വീട്ടിൽ കന്നി രാശിയിൽ ശേഷപെട്ട ഒരു ദേവതയാണ് കുറത്തി. തുളു നാട്ടിൽ നിന്നും മല നാട്ടിലേക്ക് എഴുന്നള്ളിയ സാക്ഷാൽ ശ്രീ പാർവ്വതിയാണ് കുറത്തിയായി പല നാട്ടിലും എഴുന്നള്ളി ദേശാധിപന്മാരേ കണ്ടു വണങ്ങി സ്ഥാനമുറപ്പിക്കന്നതിനിടെ കണ്ണമംഗലം കഴകത്തിലും തന്റെ സാന്നിധ്യം അറിയിക്കുകയുണ്ടായി. ഓരോ കാവിലുംസ്ഥാനങ്ങളിലും കെട്ടിയാടുന്ന തെയ്യങ്ങളില്‍ പ്രഥമസ്ഥാനം കുറത്തിയമ്മയ്ക്കാണ്. സാധാരണ ഓരോ കാവിലും ആദ്യം പുറപ്പെടുന്ന തെയ്യം കുറത്തിയായിരിക്കും. പെണ്‍പൈതങ്ങളുടെ ഇഷ്ട ദേവതയും മാതാവുമാണ് കുറത്തി. ഭയഭക്തിബഹുമാനത്തോടെ സ്വന്തം അമ്മയോടുള്ള ഹൃദയസ്പര്‍ശത്തോടെ സ്ത്രീജനങ്ങള്‍ കുറത്തിക്ക്‌ വെച്ചുവിളമ്പുന്ന ചടങ്ങ് തെയ്യാട്ടത്തിലെ ഹൃദയഹാരിയായ മുഹൂര്‍ത്തമാണ്. കുറത്തിക്ക് മുന്നില്‍ കൊടിയിലയിട്ട് അവിലും മലരും വിളമ്പി, മറ്റൊരിലയില്‍ പുത്തരി കുത്തിയ ചോറും ഇറച്ചിയും മീന്‍കറിയും പിന്നെ പച്ചടി,കിച്ചടി,ഓലന്‍,കാളന്‍,അച്ചാര്‍ പിന്നെ പപ്പടവും വിളമ്പി, ഇളനീര്‍കുടങ്ങളും വെള്ളിക്കിണ്ടിയില്‍ പാലും വെച്ച് തറവാട്ടമ്മ കുറത്തിയുടെ “പാരണക്ക്” ഭാഗവാക്കാകുന്നു പൈതങ്ങള്‍

വേലൻ. കോപ്പാളന്‍ മലയൻ, മാവിലൻ, പുലയൻ, ചെറവൻ തുടങ്ങിയ സമുദായക്കാരാണ് കുറത്തി തെയ്യം കെട്ടുന്നത്. പള്ളി കുറത്തി, മലങ്കുറത്തി, സേവ കുറത്തി, തെക്കൻ കുറത്തി, മാരണ കുറത്തി, കുഞ്ഞാർ കുറത്തി, കുഞ്ഞാല കുറത്തി, വടക്കിനിയകത്ത്‌ കുറത്തി, തുരക്കാരത്തി എന്നിങ്ങനെ കുറത്തികൾ പതിനെട്ടുതരമാണുള്ളത്.

ഈ തെയ്യത്തെ / കാവിനെ കുറിച്ച് കൂടുതൽ വിവരങ്ങൾ നിങ്ങൾക്ക് അറിയുമെങ്കിൽ ഞങ്ങക്ക് അയച്ചു തരികയാണെകിൽ ഇവിടെ ചേർക്കുന്നതായിരിക്കും

വിശ്വാസപരമായ ഐതീഹ്യത്തോടപ്പം ഓരോ തെയ്യങ്ങൾക്കും അവയുടെ ആരംഭകാലം മുതൽ പിന്നീട് പല കാവുകളിലും തറവാടുകളിലും എത്തിയതുമായി നിരവധി വിവരണങ്ങൾ ഉണ്ടാകാം, വരും തലമുറക്ക് ഉപയോഗപ്പെടും വിധം ഇവയെ വസ്തുതാപരമായി രേഖപ്പെടുത്തുക എന്നതാണ് ഞങ്ങളുടെ ഉദ്ദേശം.

www.theyyamritual.com പണ്ട് കാട്ടാള വേഷം പൂണ്ട ശ്രീ പാർവതി കാനന ഭംഗി ഒക്കെ കണ്ടു ഉല്ലസിച്ചു നടന്ന് പിന്നീട് ഉൾനാടുകളിലേക്കു യാത്ര തിരിച്ചു. കാർഷിക വൃത്തിയിൽ ഏർപ്പെടുന്ന മനുഷ്യരെ കണ്ടു മനം കുളിർന്നുവെന്നും പിന്നീട് കുറത്തി വേഷം ധരിച്ചു നെല്ല് വിളയുന്ന ഭൂമികളിലും നെല്ല് ശേഖരം ചെയ്യുന്ന ഭവനങ്ങളിലും നിത്യ സന്ദർശകയായി കൃഷിയുടെ അധി ദേവതയായി നിലകൊണ്ടുവെന്നും ആണ് കുറത്തിയുടെ ഐതിഹ്യം.പാർവതി പുത്രിയാണെന്നും മറ്റൊരു അഭിപ്രായമുണ്ട്..കാർഷിക ദേവതയെന്നു ഓർമ്മപ്പെടുത്തുലുമായി ഈ തെയ്യം വയലിൽ നിലമൊരുക്കുന്നതും വിത്തിടുന്നതും മൂരുന്നതും എല്ലാം തെയ്യത്തിൽ കാണാം..കാർഷിക രംഗത്ത് നിറഞ്ഞു നിന്നു അടുക്കള ഉൾപ്പെടുന്ന വടക്കിനയിൽ അന്നപൂർണ്ണേശ്വരിയായി നിലകൊള്ളുന്ന ദേവിയാണ് വടക്കിനിയകത്തു കുറത്തിയമ്മ..മലയ സമുദായക്കാർ കെട്ടിയാടുന്ന ഈ തെയ്യം മുറത്തിൽ നെൽവിത്തും കയ്യിൽ കത്തിയും തലയിൽ അരിഞ്ഞിളക്കിയ ഓല മുടിയും പൊയ്ക്കണ്ണും അരയൊടയും ആണ് വേഷം.. അരയൊട ഇല്ലാതെ ഒലിയുടുപ്പ് മാത്രം ധരിച്ചും ചില ഇടങ്ങളിൽ ഇറങ്ങാറുണ്ട്.. വടക്കിനിയകത്തു കുറത്തി നെല്ലിയേരി ഇല്ലം ,കൊടക്കാട്